Hannes Þór Halldórsson hefur skrifað undir samning við Val. Þetta var gert á fréttamannafundi á Hlíðarenda rétt í þessu.
Samningur Hannesar gildir til 2022, ljóst er að um mikinn hvalreka er að ræða fyrir Val.
,,Það eru hans orð, ég var ekki með númerið hjá Óla Jó. Ég veit ekki hvað hann er að bulla,“ sagði Hannes Þór eftir að hafa skrifað undir. Ólafur Jóhannesson þjálfari Vals, sagði að Hannes hefði haft samband við félagið fyrir áramót.
,,Þetta er búið að vera lengi í umræðunni, ég fékk þau skilaboð frá Qarabag fyrir áramót, að ég myndi lítið sem ekkert spila.“
,,Qarabag gat ekki beðið eftir því að ég myndi skrifa undir, eftir að þeir höfðu samband. Síðan er algjör u-beygja, það er margt skrýtið. Þetta var snúin og leiðinleg staða, ég gæti skrifað bók um tíma minn í þessu landi.“
Hannes lék me KR til ársins 2013 en margir höfðu búist við því að hann færi þangað aftur en hann ákvað að semja við þá rauðu.
,,Ég átti frábæra tíma í KR, þrjú ár sem var besti tíminn á ferlinum. Þetta var flókin ákvörðun og margir fúlir út í mig í Vesturbænum. Það hefði verið ákvörðun sem hefði legið beinast við, ég var hræddur við að fara í of mikið „comfort zone“
Viðtalið við Hannes er í heild hér að neðan.