fbpx
Mánudagur 20.maí 2019
433Sport

Leiðinlegur og erfiður maður sem vildi ekkert með Ólaf hafa: ,,Gekk á í þrjú og hálft ár“

Victor Pálsson
Sunnudaginn 7. apríl 2019 07:00

Ekki missa af Helstu tíðindum dagsins í pósthólfið þitt

Lesa nánar

Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Gestur þáttarins að þessu sinni er Ólafur Ingi Skúlason sem er 35 ára gamall en hann hefur átt magnaðan feril, byrjaði hann með Fylki en hélt síðan til Arsenal.

Ólafur þurfti eins og margir aðrir að takast á við mótlæti á ferlinum og þá helst hjá Zulte Waregem í Belgíu.

Þar lék Ólafur í fjögur ár frá 2011 til 2015 en hann kom til félagsins eftir dvöl hjá Sonderjyske í Danmörku.

Ólafur var lengi fastamaður í liði Waregem en hélt svo til Gelcnerbirligi í Tyrklandi árið 2015.

,,Þessi fjögur ár voru mjög góð og svo fannst mér fyrsta árið í Tyrklandi mjög gott,“ sagði Ólafur.

,,Heilt yfir held að ég hafi spilað 120 leiki með Zulte Waragem í playoffi og í Evrópukeppni á fjórum tímabilum. Það var mjög fínt í liði sem stóð sig mjög vel.“

,,Við lentum í öðru sæti árið 2013 og spiluðum hreinan úrslitaleik við Anderlecht og gerðum jafntefli. Þeir voru með eitt stig á okkur svo það var stöngin út. Svo töpuðum við bikarúrslitum árið eftir það. Heilt yfir var þetta frábær tími.“

Mótlætið tengdist aðallega þáverandi þjálfara liðsins sem var ekki mikill aðdáandi íslenska landsliðsmannsins.

Ólafur segir að þessi ágæti maður hafi verið erfiður og leiðinlegur og reyndi hann ítrekað að koma miðjumanninum burt.

,,Ég átti þarna í smá erjum við þjálfarann í þrjú og hálft ár en maður varð bara að bíta á jaxlinn.“

,,Hann var erfiður og leiðinlegur maður. Hann einhvern veginn kunni ekkert rosalega vel við mig af einhverjum ástæðum. Ég var ekki hans maður frá byrjun.“

,,Hann reyndi að ýta mér út eftir fyrsta tímabilið, ég var keyptur af öðrum. Hann var rekinn og þessi kom inn. Hann hafði þjálfað þarna áður svo hann þekkti part af leikmönnunum og við vorum nokkrir sem hann þekkti ekki og kærði sig ekki mikið um.“

,,Hann reyndi að koma mér út en stjórnarmenn vildu halda mér og maður var alltaf á tánum, það mátti ekkert út á bregða og þá var maður tekinn úr liðinu. Maður fann það alveg en á sama tíma var þetta gott lið og það var gott að takast á við svona mótlæti.“

,,Yfirleitt hef ég átt í mjög góðu sambandi við mína þjálfara í gegnum árin. Það er ekkert hægt að kvarta yfir mér, ég gaf alltaf 100 prósent í allt og gerði það sem mér var sagt en einhverra hluta vegna þá var hann ekki að fýla mig.“

,,Maður verður bara að láta það virka, þarna erum við komin með þrjú börn og er orðinn 32 ára. Þá fer það að minnka að lið séu að skoða mann mikið. Þetta voru mjög góð ár, mjög gaman að upplifa að spila í Belgíu og spila í Evrópu.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 19 klukkutímum

12 fljótustu leikmenn ensku úrvalsdeildarinnar

12 fljótustu leikmenn ensku úrvalsdeildarinnar
433Sport
Fyrir 20 klukkutímum

Vann magnaðan sigur á Real en rekinn klukkutíma seinna – Stuðningsmenn brjálaðir

Vann magnaðan sigur á Real en rekinn klukkutíma seinna – Stuðningsmenn brjálaðir
433Sport
Í gær

Er þetta ástæða þess að Guardiola er sá besti? – Sjáðu hvað hann gerði eftir sigur dagsins

Er þetta ástæða þess að Guardiola er sá besti? – Sjáðu hvað hann gerði eftir sigur dagsins
433Sport
Í gær

Hermann var skíthræddur við Pétur Jóhann: Las yfir Eiði Smára – ,,Spurðu hann hvað hann kallaði mig í partýinu“

Hermann var skíthræddur við Pétur Jóhann: Las yfir Eiði Smára – ,,Spurðu hann hvað hann kallaði mig í partýinu“
433Sport
Fyrir 2 dögum

Brjálaðist út í ungan strák sem reyndi sitt besta – Fær mikla gagnrýni

Brjálaðist út í ungan strák sem reyndi sitt besta – Fær mikla gagnrýni
433Sport
Fyrir 2 dögum

Jón Dagur að ganga í raðir AGF

Jón Dagur að ganga í raðir AGF
433Sport
Fyrir 3 dögum

Klopp til í að selja þessa níu leikmenn til að fá 100 milljónir punda

Klopp til í að selja þessa níu leikmenn til að fá 100 milljónir punda
433Sport
Fyrir 3 dögum

Rooney hjólar í leikmenn United: Þetta hatar hann

Rooney hjólar í leikmenn United: Þetta hatar hann