Arnar Þór Viðarsson, hefur verið ráðinn yfirmaður knattspyrnusviðs hjá KSÍ. Ráðning hans var staðfest á fréttamannafundi í höfuðstöðvum KSÍ í dag.
Arnar var fyrr i vetur ráðinn þjálfari U21 árs landsliðs karla, ráðning hans hefur síðan legið í loftinu.
Það er ljóst að vinna Arnars verður mikil, starfið er mikið en hann verður hins vegar ekki yfirmaður Erik Hamren, A-landsliðs þjálfara karla.
,,Það er ekki þannig, í öllum fyrirtækjum er mikilvægt að menn vinni saman. Stærsta verkefnið innan KSÍ, fyrir yfirmann knattspyrnumála. Að endurskipuleggja okkar vinnu, fyrir öll yngri landsliðin. A-landsliðið er eitt á báti, við getum ekki skrifað upp plan að A-landsliðið eigi að spila 4-4-2. Við höfum verið að spila mismunandi kerfi núna með A-landsliðið, ég sem U21 árs þjálfari get ekki spilað 4-3-3 þegar Erik Hamren gerir það og ekki 3-5-2 þegar hann,“ sagði Arnar um málið.
Guðni Bergsson, formaður KSÍ ítrekað að Arnar væri ekki yfirmaður Hamren.
,,Hamren er með fullt forræði á A-landsliðinu, ef Erik Hamren vill ráðgjöf þá er Arnar til starfar. Þetta er fyrsta skref, þetta er starf í mótun. Arnar hefur sína reynslu frá Evrópu, þetta er teymis vinna. Hann á að vinna með þeim þjálfurum sem fyrir eru. Síðan að vinna með aðildarfélögum.“