Hlaðvarpsþátturinn, 90 mínútur heldur áfram á fullu fjöri en um er að ræða þátt sem Hörður Snævar Jónsson, ritstjóri 433.is stýrir.
Þátturinn hefur notið mikilla vinsælda en afar áhugaverðir gestir hafa komið í þáttinn.
Gestur þáttarins að þessu sinni er Ólafur Kristjánsson sem er að hefja sitt annað tímabil með FH.
Þetta viðtal verður aðeins frábrugðið öðrum viðtölum í 90 mínútum. Við ræðum bara um FH og það sem Ólafur hefur verið að gera með liðið síðustu mánuði.
Það vakti athygli síðasta sumar þegar Ólafur ræddi framherjann Geoffrey Castillion.
Castillion stóð alls ekki undir væntingum hjá FH í fyrra og reyndi Ólafur eins og hann gat að koma framherjanum til varnar.
Um tíma talaði Ólafur á meðal annars um að það væri erfitt fyrir Castillion að spila á þurru gervigrasi en það er hins vegar ekki rétt.
Castillion fann sér nýtt lið á dögunum en hann gerði lánssamning við Fylki út tímabilið.
,,Ég held að hann sé ekkert verri á þurru gervigrasi en á blautu náttúrugrasi,“ sagði
,,Þetta var sagt aðeins til þess að taka ákveðna pressu af honum. Að færa fókusinn á eitthvað annað.“
,,Að leyfa ykkur að hafa um eitthvað annað að tala: ‘djöfull er hann klikkaður hann Óli, hvað er hann að segja?’ – stundum verður maður að taka það á sig.“