Eins og flestir vita varð bruni í dómkirkjunni Notre Dame á dögunum en hún er staðsett í París borg.
Um er að ræða kirkju sem var reist á árunum 1163 til 1345 en mikill eldur fangaði kirkjuna þann 15. apríl síðastliðinn.
Þak og ómetanlegir listmunir eyðilögðust í brunanum en áformað er þó að endurbyggja kirkjuna.
Í París spilar stórliðið Paris Saint-Germain sem getur tryggt sér titilinn í Frakklandi í dag gegn Monaco.
PSG hefur ákveðið að bjóða 500 slökkviliðsmönnum frítt á leikinn í dag eða þeim sem reyndu að stöðva eldinn í kirkjunni.
PSG gaf frá sér tilkynningu vegna málsins í gær en leikurinn í dag er á heimavelli PSG og hefst klukkan 19:00.