Gylfi Þór Sigurðsson komst á blað á Englandi í dag en hann lék með Everton í sigri á Manchester United.
Everton var í miklu stuði á eigin heimavelli og fór illa með þá rauðklæddu 4-0.
Gylfi skoraði annað mark Everton í leiknum og lagði síðar upp annað á liðsfélaga sinn Theo Walcott.
Þetta var 13. mark Gylfa á tímabilinu í ensku úrvalsdeildinni sem er hreint magnaður árangur.
Goðsögnin Eiður Smári Guðjohnsen óskaði Gylfa til hamingju í dag og grínaðist aðeins í landa sínum.
,,Enginn kemst nálægt sem næst besti leikmaður í sögu Íslands!“ skrifaði Eiður sem lék með liðum eins og Chelsea og Tottenham á Englandi.
Hér má sjá færslu Gylfa og svar Eiðs.