Jose Mourinho, fyrrum stjóri Manchester United, hefur gefið Liverpool góð ráð fyrir næstu umferð Meistaradeildarinnar.
Mourinho þekkir það vel að mæta Lionel Messi sem verður í eldlínunni með Barcelona gegn Liverpool í undanúrslitunum.
Það er ekki auðvelt að spila gegn Messi og hefur Mourinho gefið Liverpool smá ráð fyrir viðureignina.
,,Það er auðvelt að skilja Messi en það er ekki auðvelt að setja hann í búr og hafa stjórn á honum,“ sagði Mourinho.
,,Hann kemur frá hægri en svo heldur hann sig á miðjunni, það er mjög erfitt.“
,,Þegar Messi er með boltann einn á einn, þá ertu dauður. Þess vegna hefur mér aldrei líkað við að dekka Messi, maður á mann. Þú þarft að búa til búr í kringum hann.“