Paul Scholes, fyrrum hetja hjá Manchester United hefur verið ákærður af enska knattspyrnusambandinu. Hann er sakaður um að hafa 140 sinnum brotið reglur um veðmál.
Scholes er eigandi Salford City, og samkvæmt reglum enska knattspyrnusambandsins má hann ekki veðja á knattspyrnuleiki. Atvikin áttu sér stað frá 2015 til ársbyrjun, 2019.
Enska knattspyrnusambandið tekur afar hart á svona málum, en Scholes virðist hafa gert sig sekan um ítrekuð brot. Enska sambandið grunar Scholes um að hafa lagt 140 veðmál á fótboltaleiki, sem er bannað í reglum. Reglurnar ná yfir leikmenn, jafnt og eigendur knattspyrnufélaga í landinu.
Scholes átti afar farsælan feril sem leikmaður Manchester United en hann lagði skóna á hilluna árið 2013.
Scholes er í dag sérfræðingur í sjónvarpi en hann tók við þjálfun Oldham í febrúar en sagði upp störfum, 31 degi eftir að hafa tekið starfið að sér.
Scholes hefur til 26 apríl, til að svara til saka en hann gæti fengið væna sekt frá sambandinu.