fbpx
Þriðjudagur 18.júní 2019
433Sport

Liverpool á toppinn eftir sigur á Chelsea í hörkuleik

Victor Pálsson
Sunnudaginn 14. apríl 2019 17:22

Ekki missa af Helstu tíðindum dagsins í pósthólfið þitt

Lesa nánar

Liverpool 2-0 Chelsea
1-0 Sadio Mane(51′)
2-0 Mohamed Salah(53′)

Liverpool er komið á toppinn í ensku úrvalsdeildinni á ný eftir leik við Chelsea í dag.

Manchester City tók toppsætið fyrr í dag með sigri á Crystal Palace en Liverpool fékk Chelsea svo í heimsókn á Anfield.

Það var boðið upp á nokkuð fjörugan leik í Liverpool en heimamenn höfðu betur með tveimur mörkum gegn engu.

Fyrra markið skoraði Sadio Mane snemma í seinni hálfleik með skalla eftir fyrirgjöf Jordan Henderson.

Stuttu síðar var staðan orðin 2-0 en Mohamed Salah bætti þá við öðru marki með frábæru skoti fyrir utan teig.

Chelsea svaraði nokkuð vel eftir annað markið og fékk Eden Hazard tvö dauðafæri til að koma liðinu aftur inn í leikinn.

Fyrra skot Hazard fór í stöng en það seinna varði Alisson Becker í markinu af suttu færi.

Fleiri mörk voru ekki skoruð og er Liverpool nú með tveggja stiga forskot á toppnum en City á enn leik til góða.

Enski boltinn á 433 er í boði
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af