Eins og flestir vita þá gerði Hannes Þór Halldórsson samning við lið Val í Pepsi-deild karla á dögunum.
Hannes er aðalmarkvörður íslenska landsliðsins og hefur leikið í atvinnumennsku undanfarin ár en hann hélt út árið 2013.
Hannes lék fyrir það með KR í þrjú ár en hann kom til félagsins frá Fram fyrir tímabilið 2011.
Í gær var birt athyglisvert myndband á Twitter þar sem má sjá það sem Hannes hafði að segja um KR á sínum tíma.
,,Það er æskudraumur að vera kominn hingað og fá að spila fyrir þetta fornfræga félag,“ sagði Hannes er hann skrifaði undir hjá KR.
,,Svo er þetta stærsta lið landsins, ég held að það sé ekki hægt að neita því þó að margir vilji gera tilkall til þess. Það vilja allir spila fyrir KR innst inni.“
Margir segja að peningarnir á Hlíðarenda tali sínu máli en Valur er í dag sterkasta lið landsins og hefur unnið titilinn tvö ár í röð.
??? pic.twitter.com/hXRS89tffW
— Tómas viðar (@tomasvidar) 9 April 2019