Manchester United er komið áfram í Meistaradeild Evrópu eftir leik við frönsku meistarana Paris Saint-Germain í kvöld.
Um var að ræða seinni leik liðanna en United tapaði fyrri leiknum 2-0 á sínum heimavelli, Old Trafford.
Það var boðið upp á skemmtilegan leik í Frakklandi þar sem United hafði betur með þremur mörkum gegn einu.
Romelu Lukaku var heitur í kvöld og skoraði tvö mörk fyrir gestina í fyrri hálfleik. Juan Bernat skoraði þó einnig fyrir PSG en staðan var 2-1 eftir fyrstu 45.
Á 90. mínútu leiksins þá fékk United svo vítaspyrnu en Presnel Kimbempe fékk þá knöttinn í höndina innan teigs og steig Marcus Rashford á punktinn.
Rashford skoraði af miklu öryggi framhjá Gianluigi Buffon í markinu og tryggði United 3-1 sigur og fer liðið því áfram á mörgkum skoruðum á útivelli.
Á sama tíma áttust við lið FC Porto og AS Roma en þeim leik lauk með 2-1 sigri Porto.
Fyrri leiknum lauk með 2-1 sigri Roma og eru liðin nú á leið í framlengingu þar sem úrslitin verða að ráðast.
PSG 1-3 Manchester United
0-1 Romelu Lukaku(2′)
1-1 Juan Bernat(12′)
1-2 Romelu Lukaku(30′)
1-3 Marcus Rashford(víti, 94′)
FC Porto 2-1 AS Roma
1-0 Tiquinho Soares(26′)
1-1 Daniele De Rossi(víti, 37′)
2-1 Moussa Marega(52′)