Á síðustu dögum hefur verið staðfest að fjórir eru smitaðir af mislingum hér á landi. Smitin eru rakin til erlends smitbera sem flaug með flugvél Icelandair til landins þann 14. febrúar síðastliðinn og síðan áfram til Egilsstaða næsta dag. Landsliðsmenn í knattspyrnu blanda sér í umræðuna.
Ekki hafa greinst fleiri mislingasmit samtímis hér á landi síðan 1977. Neyðarfundur var hjá sóttvarnarlækni í gær vegna stöðunnar og Landspítalinn er með mikinn viðbúnað.
Mislingar eru bráðsmitandi. Á árunum 1998 til 2017 greindust aðeins þrjú tilfelli mislinga hér á landi. Fjögur smit á skömmum tíma eru því mikil breyting.
Bólusetningar við mislingum hefjast við átján mánaða aldur hér á landi og því hafa ung börn litla vörn gegn sjúkdómnum. Það hefur síðan færst í aukana að fólk bólusetur sig ekki, og bólusetji börnin sín ekki Af þessu hafa margir áhyggjur að börn séu ekki bólusett í jafn miklum mæli eins og var áður.
,,Það þyrfti helst að sekta foreldra sem bólusetja ekki börnin sín! Það eru engin tengsl á milli einhverfu og bólusetninga,“ skrifar Theodór Elmar Bjarnason, landsliðsmaður í knattspyrnu og leikmaður Gazişehir Gaziantep um bólusetningu barna.
Birkir Már Sævarsson, bakvörður íslenska landliðsins er á sama máli og vill ganga langt í svona málum. ,,Ætti að vera mál fyrir barnaverndarnefnd að mínu mati,“ sagði Birkir um málið.
Hver er þín skoðun á þessu máli?
Ætti að vera mál fyrir barnaverndarnefnd að mínu mati
— Birkir Már Sævarsson (@BirkirSaevars) March 6, 2019