Óskar Hrafn Þorvaldsson hefur verið ráðinn samskiptastjóri VÍS. Óskar tekur við af Andra Ólafssyni sem hverfur til starfa á öðrum vettvangi.
Óskar Hrafn er þjáfari Gróttu í fótbolta, einnig er hann fyrrum atvinnu og landsliðsmaður í íþróttinni fögru.
Óskar Hrafn er nýjasta viðbótin í lið VÍS sem hefur sterka tengingu við fótboltann. Þarna eru einnig Reynir Leósson og Bjarni Guðjónsson.
Pálmi Rafn Pálmason, miðjumaður KR er einnig að starfa hjá VÍS og sömuleiðis, Kristján Finnbogason.
Gunnar Örn Jónsson og Arnar Már Björgvinsson starfa einnig hjá fyrirtækinu. Helgi Bjarnason, forstjóri VÍS var svo Íslandsmeistari með Víkingi árið 1991. Þá er Halldór Smári Sigurðsson, leikmaður Víkings einng hjá VÍS.
Óskar, Bjarni, Pálmi Rafn, Kristján og Gunnar Örn hafa allir spilað A-landsleik fyrir Ísland.
Þá er lítt þekktur, Gunnar Hilmar Kristinsson að vinna hjá VÍS en hann lék með Keflavík og ÍR. Einn virtasti liðstjóri landsins, Davíð Sævarsson er einnig hjá fyrirtækinu. Hann lék í yngri flokkum Stjörunnar.
Þóroddur Hjaltalín, fyrrum dómari er einnig starfsmaður VÍS.
Fyrrum knattspyrnumenn sem starfa hjá VÍS:
Óskar Hrafn Þorvaldsson
Reynir Leósson
Bjarni Guðjónsson
Pálmi Rafn Pálmason
Kristján Finnbogason
Gunnar Örn Jónsson
Arnar Már Björgvinsson
Helgi Bjarnason
Gunnar Hilmar Kristinsson
Halldór Smári Sigurðsson
Davíð Sævarsson
