Roy Hodgson, fyrrum stjóri Liverpool, gerði slæm mistök er hann þjálfaði liðið tímabilið 2010 til 2011.
Hodgson hafði áður stýrt liði Fulham og vildi fá bakvörðinn Paul Konchesky með sér til Liverpool sem heppnaðist.
Hodgson var tilbúinn að skipta á leikmanni við Fulham og sendi Alex Kacaniklic til félagsins á móti en hann var þá hluti af akademíu Liverpool.
Kacaniklic segir að Hodgson hafi þá gert mistök en hann skipti á ‘röngum Alex’ fyrir Konchesky.
Sænski bakvörðurinn lék svo í kjölfarið 84 deildarleiki fyrir Fulham en spilar í dag með Hammarby í sænsku úrvalsdeildinni.
,,Það var erfitt fyrir Liverpool að finna arftaka minn,” sagði Kacaniklic í hlaðvarpsþættinum Lundh.
,,Þegar ég var í Fulham og átti eftir að skrifa undir þá ræddi ég við Roy í símann og komst að því að hann hafði skipt á röngum Alex.”
,,Hann hélt að hann hefði sent annan Alex til Fulham fyrir Konchesky. Svo var það of seint að breyta og það er ansi fyndið.”
,,Svo sagði hann bara við mig að ég yrði velkominn aftur í Liverpool en að ég ætti að gera það sem ég vildi.”
,,Ég fór ekki aftur. Ég var búinn að taka ákvörðun og var spenntur fyrir því að leika yfrir Fulham.”