Hörður Snævar Jónsson skrifar frá París:
Íslenska landsliðið kom til Parísar í fyrrakvöld og æfði á keppnisvellinum, Stade de Farnce í gær. Þar kom í ljós að Jóhann Berg Guðmundsson er meiddur, og verður ekki með gegn Frakklandi í undankeppni EM í kvöld.
Íslenska liðið, vann góðan sigur á Andorra á föstudag og kemur til Parísar, þar sem stig eða sigur væru algjör bónus.
Sindri Sverrisson blaðamaður á Morgunblaðinu segir það gríðarlegt áfall fyrir íslenska liðið að leika án Jóhanns, sem er á mála hjá Burnley í ensku úrvalsdeildinni.
Hvort íslenska liðið komist í lokakeppni EM, stendur hvorki né fellur með því hvað gerist á morgun. Íslenska liðið hefur þó hins vegar oftar en ekki átt sína bestu leiki á erfiðum útivöllum, nægir að nefna sigra í Hollandi og Tyrklandi.
,,Jóhann Berg Guðmundsson er hins vegar ekki tilbúinn. Jóhann leikur ekki með Íslandi í kvöld vegna kálfameiðsla sem hafa angrað hann undanfarið þó að hann hafi komist í gegnum 80 mínútur gegn Andorra á föstudaginn, og hélt hann heim til Englands í gær. Ekki þarf að fjölyrða um hve mikið áfall þetta er fyrir íslenska liðið,“ skrifaði Sindri í Morgunblaðið í dag.
,,Erik Hamrén mun því þurfa að breyta byrjunarliði sínu og raunar var alltaf útlit fyrir að sú yrði raunin. Íslenska liðið hefur undir stjórn Svíans aðeins prófað sig áfram með þriggja miðvarða kerfi og margt bendir til þess að sú verði raunin í kvöld.“