Hörður Snævar Jónsson skrifar frá París:
Íslenska landsliðið kom til Parísar í fyrrakvöld og mun leika gegn Frakklandi í undankeppni EM í kvöld. Einn besti maður liðsins, Jóhann Berg Guðmundsson, verður frá vegna meiðsla.
Íslenska liðið, vann góðan sigur á Andorra á föstudag og kemur til Parísar, þar sem stig eða sigur væru algjör bónus.
Hvort íslenska liðið komist í lokakeppni EM, stendur hvorki né fellur með því hvað gerist á morgun. Íslenska liðið hefur þó hins vegar oftar en ekki átt sína bestu leiki á erfiðum útivöllum, nægir að nefna sigra í Hollandi og Tyrklandi.
Margir eru á því að Erik Hamren muni í dag fara í fimm manna vörn, spila 3-5-2 eða 5-3-2 kerfið. Það er ekki ólíklegt gegn afar sterku liði Frakka.
Líklegt er að Hörður Björgvin Magnússon og Sverrir Ingi Ingason kæmu í vörnina.
Hér að neðan má sjá líklegt byrjunarlið að mati 433.is.
Líklegt byrjunarlið:
Hannes Þór Halldórsson
Birkir Már Sævarsson
Kári Árnason
Ragnar Sigurðsson
Sverrir Ingi Ingason
Hörður Björgvin Magnússon
Aron Einar Gunnarsson
Birkir Bjarnason
Rúnar Már Sigurjónsson
Gylfi Þór Sigurðsson
Alfreð Finnbogason