Íslenska karlalandsliðið spilaði við Frakkland í kvöld en um var að ræða leik í undankeppni EM.
Strákarnir fengu skell á Stade de France í kvöld en heimamenn höfðu betur sannfærandi, 4-0.
Erik Hamren, landsliðsþjálfari, ákvað að nota leikkerfi með fimm varnarmenn í kvöld, eitthvað sem gekk ekki alveg upp.
Margir eru á því máli að Ísland eigi að spila leikkerfin 4-4-2 eða 4-4-1-1, kerfi sem hafa áður komið okkur á stórmót.
Sjónvarpsmaðurinn Hörður Magnússon er á meðal þeirra en hann gagnrýndi uppstillingu Íslands eftir leik kvöldsins.
Hörður vonar að þetta leikkerfi verði aldrei notað aftur þar sem við vorum með fimm varnarmenn og þrjá varnarsinnaða miðjumenn.
Vonandi spilum við aldrei aftur með 5 manna vörn og 3 varnarsinnaða miðjumenn. Höldum okkur við 4-4-2 eða 4-4-1-1 það hefur komið okkur á 2 stórmót. #FRAISL
— Höddi Magg (@HoddiMagnusson) 25 March 2019