Gary McAllister, fyrrum leikmaður Liverpool, varð fyrir hrottalegri árás í Leeds um helgina.
McAllister kemur frá Skotlandi en en hann lék lengst einmitt með Leeds á ferlinum frá 1990 til 1996.
Hann lagði skóna á hilluna árið 2004 en Skotinn er 54 ára gamall í dag og hefur ekki verið mikið í sviðsljósinu síðustu ár.
Enskir miðlar greina frá því að McAllister hafi orðið fyrir árás á laugardag er hann var úti að borða með eiginkonu sinni, Hayley.
Þau biðu eftir leigubíl á götuhorni er McAllister var kýldur niður áður en árásarmaðurinn veittist að eiginkonu hans.
McAllister þurfti á læknisaðstoð að halda en hann var illa farinn og þurfti að sauma 10-12 spot í efri vör hans.
Eiginkona hans varð fyrir smávægileg handarmeiðslum en slapp mun betur en McAllister sem var fluttur á sjúkrahús.
Sagt er að McAllister hafi aldrei séð árasarmanninn koma og að hann hafi ekki ögrað einstaklingnum á neinn hátt.