Spænsk blöð halda áfram að ræða um það að Zinedine Zidane, þjálfari Real Madrid ætli sér að kaupa Sadio Mane frá Liverpool í sumar.
Zidane fær mikið fjármagn til leikmannakaupa í sumar og er Mane sagður mjög ofarlega á blaði hans.
Liverpool mun ekki vilja selja Mane, enda hefur hann verið jafn besti leikmaður liðsins á þessu tímabili.
Mane er afar fljótur og leikinn kantmaður sem Zidane horfir til, hann telur sig geta fengið hann frá Liverpool.
Liverpool vill ekki missa sína skærustu stjörnu en það hefur reynst félögum á Englandi erfitt, að berja í borðið þegar risarnir frá Spáni koma kallandi.