Hörður Snævar Jónsson skrifar frá París:
Íslenska landsliðið kom til Parísar í gærkvöldi og mun síðdegis í dag æfa á Stade de France í úthverfi Parísar. Liðið leikur sov við heimamenn í undankeppni EM á morgun.
Íslenska liðið, vann góðan sigur á Andorra á föstudag og kemur til Parísar, þar sem stig eða sigur væru algjör bónus.
Hvort íslenska liðið komist í lokakeppni EM, stendur hvorki né fellur með því hvað gerist á morgun. Íslenska liðið hefur þó hins vegar oftar en ekki átt sína bestu leiki á erfiðum útivöllum, nægir að nefna sigra í Hollandi og Tyrklandi.
,,Þetta verður öðruvísi áskorun,“ sagði fyrirliði þjóðar, Aron Einar Gunnarsson mum leikinn við Frakkland á morgun.
Ísland vann sigur á Andorra á föstudag, leikur þar sem liðið var miklu sterkari andstæðingurinn. Búast má við öðruvísi leik en það á morgun.
,,Erfið áskorun. Þetta verður öðruvísi leikur, við að við verðum ekki jafn mikið með boltann eins og gegn Andorra. Við þurfum að verjast af krafti, við vitum hvað Frakkar geta. Við vitum hvernig leikmenn þeir, eru í bestu liðum Evrópu.
Aron trúir því að íslenska liðið geti sótt úrslit en til þess þarf eitt að ganga upp.
,,Við þurfum að vita af vopnum þeirra, við trúum að við getum náð í úrslit. TIl þess þurfa allir leikmenn að eiga 100 prósent leik.“
,,Þeir eru Heimsmeistarar af ástæðu, það er erfitt að finna veikleika í þeirra liði. Freyr og Erik hafa fylgst lengi með þeim, það er ekki flókið, þeir eru alltaf í sjónvarpinu að spila mikilvæga leiki. Það er erfitt að finna veikleika en við finnum þá vonandi á morgun.“