Hörður Snævar Jónsson skrifar frá París:
Íslenska landsliðið kom til Parísar í gærkvöldi og mun síðdegis í dag æfa á Stade de France í úthverfi Parísar. Liðið leikur sov við heimamenn í undankeppni EM á morgun.
Íslenska liðið, vann góðan sigur á Andorra á föstudag og kemur til Parísar, þar sem stig eða sigur væru algjör bónus.
Hvort íslenska liðið komist í lokakeppni EM, stendur hvorki né fellur með því hvað gerist á morgun. Íslenska liðið hefur þó hins vegar oftar en ekki átt sína bestu leiki á erfiðum útivöllum, nægir að nefna sigra í Hollandi og Tyrklandi.
Birkir Bjarnason hefur verið í stuði þegar Ísland mætir Frakklandi og hefur skorað í síðustu þremur leikjum gegn þessu sterka liði.
,,Birkir er virkilega góður leikmaður, hefur reynslu og hæfileika,“ sagði Erik Hamren um Birki á fundi fyrir leikinn í dag.
,,Birkir skoraði gegn Frakklandi í síðasta leik og hann skoraði gegn Andorra á föstudag. Það er það góða við hann, hann er ekki bara frábær miðjumaður heldur getur hann líka skorað.“