Gylfi Þór Sigurðsson, landsliðsmaður í knattspyrnu, er ekki þekktur fyrir það að liggja á skoðunum sínum.
Gylfi ræddi við blaðamenn í gær eftir 2-0 sigur Íslands á Andorra í undankeppni EM.
Þar talaði Gylfi ekkert of fallega um Andorra og sagði til að mynda að þeir væru leiðinlegasta landslið heims.
Andorra er ekki þekkt fyrir það að vera frábært í fótbolta og beitir ýmsum brögðum til að tryggja úrslit á sínum heimavelli.
Bjarki Már Elísson, landsliðsmaður í handbolta, hefur hrósað Gylfa fyrir það sem hann sagði eftir leik.
Bjarki segir að þetta hafi verið fyrsta viðtalið við Gylfa sem hann nennir að horfa á til enda.
Fyrsta viðtalið við Gylfa sem ég nenni að horfa á til enda. Finnst að íþróttamenn og þjálfarar eigi alltaf að segja það sem liggur þeim á hjarta. Þessi media-trained viðtöl eru það leiðinlegasta sem maður horfir á #fotboltinet https://t.co/dODMPpyn0A
— Bjarki Már Elísson (@bjarkiel4) 23 March 2019