Hörður Snævar Jónsson skrifar frá Andorra:
Íslenska landsliðið hefur leik í undankeppni Evrópumótsins, í kvöld. Liðið mætir þá Andorra klukkan 19:45. Leikurinn verður afar áhugaverður.
Andorra er ekki hátt skrifað lið en hefur náð góðum úrslitum á heimavelli, liðið pakkar í vörn og beitir öllum helstu brögðum til að kreista fram úrslit. Íslenska liðið gæti þurft að sýna mikla þolinmæði.
Leikurinn fer fram á gervigrasvelli í Andorra en liðin hafa mæst fimm sinnum áður, þar hefur Ísland unnið alla leikina.
Ísland hefur mætt Andorra fimm sinnum og unnið alla leikina, með markatöluna 14-0. Síðast léku liðin 14. nóvember 2012 og endaði sá leikur með 2-0 sigri Íslands, en leikið var ytra. Sex leikmenn sem eru í hópnum í dag tóku þátt í þeim leik.
Aðeins sex leikmenn sem eru í hópnum í dag voru með liðinu í því verkefni en ellefu leikmenn eru ekki með af þeim sem tóku þátt í leiknum.
Garðar Jóhannsson, Indriði Sigurðsson og Hjálmar Jónsson eru allir hættir í fótbolta. Byrjunarlið Íslands og varamenn í þessum leik frá árinu 2012 má sjá hér að neðan.
Byrjunarliðið:
12 Hannes Þór Halldórsson (M)
2 Birkir Már Sævarsson
5 Sölvi Geir Ottesen Jónsson
6 Hjálmar Jónsson
7 Jóhann Berg Guðmundsson
8 Birkir Bjarnason
13 Hjörtur Logi Valgarðsson
14 Ólafur Ingi Skúlason
17 Aron Einar Gunnarsson (F)
18 Matthías Vilhjálmsson
20 Rúnar Már S Sigurjónsson
Varamenn:
1 Gunnleifur Vignir Gunnleifsson (M)
3 Indriði Sigurðsson
4 Arnór Sveinn Aðalsteinsson
15 Helgi Valur Daníelsson
16 Garðar Jóhannsson
19 Jón Daði Böðvarsson