Búlgaría náði að bjarga stigi í gær er liðið mætti Svartfjallalandi í undankeppni EM en leikið var í Búlgaríu.
Leiknum lauk með 1-1 jafntefli en jöfnunarmark Búlgara skoraði Todor Nedelev undir lok leiksins.
Það var boðið upp á skandal í Búlgaríu en mark Nedelev kom úr vítaspyrnu sem átti aldrei að vera dæmd.
Vladimir Jovovic var dæmdur brotlegur hjá Svartfjallalandi en hann braut af sér fyrir utan vítateiginn.
Af einhverjum ástæðum ákvað dómari leiksins að dæma vítaspyrnu en brotið var aldrei innan teigs.
Hér má sjá myndir af atvikinu.