fbpx
Föstudagur 26.apríl 2019
433Sport

Hamren um fagnið hans Viðars: Get ekki tjáð mig um það

Victor Pálsson
Föstudaginn 22. mars 2019 22:07

Ekki missa af Helstu tíðindum dagsins í pósthólfið þitt

Lesa nánar

Erik Hamren, landsliðsþjálfari, gat brosað í kvöld eftir sigur Íslands á Andorra í undankeppni EM.

Strákarnir mættu grimmir til leiks í kvöld og unnu sannfærandi 2-0 sigur í fyrsta leik undankeppninnar.

Viðar Örn Kjartansson skoraði annað mark Íslands og fagnaði með því að þykjast setja rennilás fyrir munninn á sér.

Þar skaut Viðar létt á kollega sinn Kjartan Henry Finnbogason en eins og þekkt er þá var Viðar óvænt valinn í landsliðið á dögunum frekar en Kjartan.

Hamren vildi ekki tjá sig um þetta fagn Viðars en hann segist ekki hafa séð það sem átti sér stað.

,,Ég sá ekki fagnið, ég get ekki tjáð mig um það. Þetta var mark sem hann getur skorað, hann er frábær í teignum. Mjög fallegt mark, gott fyrir okkur en betra fyrir hann,“ sagði Hamren.

Landsliðsþjálfarinn ræddi svo liðsvalið í kvöld og frammistöðuna. Hann var heilt yfir ánægður með strákana.

,,Við töluðum við Alfreð að hann myndi spila mest 70 mínútur, ég vildi frekar fá alvöru níu frekar en Albert. Mann sem væri að vinna í teignum.“

,,Ég er mjög ánægður með stigin þrjú, hreint lak og ekkert gult spjald. Þetta var frábær leikur fyrir okkur, við þurftum góða byrjun. Ef við ætlum að komast á EM, þá þurftum við að vinna og við gerðum það. Við komum hingað og gerðum það sem við áttum að gera.“

,,Stress er kannski rangt orð, ég fann það í maganum. Undankeppnin er byrjuð, við tölum ekki lengur um haustið. Við þurftum þrjú stig, það var gott að fá mark snemma. Þú ert ekki öruggur, þeir geta náð aukaspyrnu og náð að jafna. Seinna markið var mjög ljúft.“

Hamren hrósaði svo þeim Ragnari Sigurðssyni og Kára Árnasyni sem áttu góðan leik í vörninni.

,,Ragnar og Kári eru steinarnir okkar, þeir sanna það alltaf. Það er ekki auðvelt að spila svona leik, þeir eru leiðtogar og sérstaklega Kári. Ég er mjög ánægður með þeirra frammistöðu.“

Völlurinn var erfiður enda spiluðu strákarnir á umdeildu gervigrasi. Hamren segist hafa kvartað aðeins en að allir hafi sloppið heilir.

,,Ég var bara að kvarta út af vellinum, það eru margar aðstæður sem eru ekki á venjulegum velli. Við höfum sagt mikið um að láta það ekki hafa áhrif, ég hef ekkert heyrt neitt um meiðsli eftir leikinn. Ég vildi láta vita af þessu, ég vildi gera það fyrir leikinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 8 klukkutímum

Spá DV fyrir Pepsi Max-deild karla: Hvaða lið verður Íslandsmeistari?

Spá DV fyrir Pepsi Max-deild karla: Hvaða lið verður Íslandsmeistari?
433Sport
Fyrir 18 klukkutímum

Mögnuð staðreynd: Getur unnið áttunda deildarmeistatitilinn í röð um helgina

Mögnuð staðreynd: Getur unnið áttunda deildarmeistatitilinn í röð um helgina
433Sport
Í gær

Boltastrákurinn trúði ekki eigin augum í gær

Boltastrákurinn trúði ekki eigin augum í gær
433Sport
Í gær

Juventus tók áhættusama ákvörðun: Sjáðu nýja treyju liðsins

Juventus tók áhættusama ákvörðun: Sjáðu nýja treyju liðsins