Lið Al Wehda í Sádí-Arabíu hefur rekið knattspyrnustjóra sinn Mido sem lék eitt sinn með Tottenham.

Mido er 36 ára gamall í dag en hann lék með liðum á borð við Tottenham, Ajax, Marseille og Roma.

Hann tók að sér þetta starf í lok 2018 en hefur nú verið rekinn fyrir tíst sem hann skrifaði til stuðningsmanns Al Wehda.

Stuðningsmaðurinn bað Mido vinsamlegast um að segja af sér og að hann væri ekki að gera góða hluti.

Mido svaraði fyrir sig á mjög barnalegan hátt og kallaði stuðningsmanninn öllum illum nöfnum áður en Twitter-síða hans var gerð óvirk.

Mido vill meina að aðgangur hans hafi verið ‘hakkaður’ en fáir trúa þeirri afsökun og er hann nú án starfs.