fbpx
Mánudagur 17.júní 2019
433Sport

Þórarinn hefur beðist afsökunar og iðrast að mati Harðar: ,,Keppnisskap getur leikið menn grátt“

Ritstjórn DV
Fimmtudaginn 21. mars 2019 13:30

Mynd: KSÍ

Ekki missa af Helstu tíðindum dagsins í pósthólfið þitt

Lesa nánar

Mikil umræða hefur átt sér stað vegna máls sem kom upp í leik Leiknis Reykjavík og Stjörnunnar á dögunum.

Þórarinn Ingi Valdimarsson, leikmaður Stjörnunnar, lét þá ljót ummæli falla í garð Ingólfs Sigurðssonar, leikmanns Leiknis. Þórarinn hefur beðist afsökunar á þessum ummælum og hefur aganefnd KSÍ einnig farið yfir málið.

Ákveðið var að Þórarinn myndi aðeins taka út eins leiks bann og verður ekki refsað frekar fyrir ummælin. Það hefur vakið hörð viðbrögð.

Geðhjálp, Leiknir, og ýmsir aðrir hafa gagnrýnt störf aganefndar KSÍ, fyrir að refsa leikmanni Stjörnunnar ekki meira, en raun ber vitni.

Herði Magnússyni, íþróttafréttamanni finnst umræðan komin of langt. Þórarinn hafi sýnt iðrun. ,,Þórarinn Ingi missti stjórn á sér og lét ómerkileg orð falla. Hann hefur beðist einlæglega afsökunar og iðrast,“ skrifar Hörður á Twitter.

Hörður segir að ýmislegt geti gerst í hita leiksins.

,,Keppnisskap getur svo sannarlega leikið menn grátt. Það brjótast út margvíslegar tilfinningar í 90 mín knattspyrnuleik. Það þekkja þeir sem spilað hafa leikinn.“

Pepsi Max deildin á 433 er í boði
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af