Isco, leikmaður Real Madrid á Spáni, hefur ekki fengið mikið að spila hjá félaginu undanfarnar vikur.
Isco var í frystinum er Santiago Solari var stjóri Real en hann var látinn fara frá félaginu í vikunni.
Zinedine Zidane er mættur aftur á Santiago Bernabeu en hann notaði Isco mikið er hann var þar á síðustu leiktíð.
Samkvæmt spænskum miðlum þá skammast Isco sín þessa stundina en hann þykir ekki vera í nógu góðu formi.
Isco gefur starfsmönnum Real ekki leyfi á að vigta sig á bakvið tjöldin en hann er 4,5 kílóum of þungur.
Hann vinnur í því að komast aftur í sitt besta form en stuðningsmenn Real hafa einnig ásakað hann um að vera í slæmu líkamlegu standi.