Hörður Snævar Jónsson skrifar frá Peralada á Spáni
,,Við erum mjög spenntir, spenntir að byrja þessa undankeppni,“ sagði Gylfi Þór Sigurðsson, skærasta stjarna landsliðsins við fréttamenn fyrir æfingu landsliðsins á Spáni í dag.
Gylfi og félagar hans í landsliðinu undirbúa sig fyrir leik gegn Andorra á föstudag. UM er að ræða fyrsta leik liðsins í undankeppni EM, á mánudag er svo leikur við Frakkland.
,,Við erum klárir, tilhlökkun til leiksins. Auðvitað hefur mikið verið talað um, að við höfum ekki unnið lengi. Það hefur hefur vantað mikið af lykilmönnum, eins og er, þá höfum við ekki efni á því, að tapa mörgum leikmönnum, í hvern einasta leik. Það er ný keppni að byrja, þið getið dæmt okkur af þessum leikjum.“
Gylfi og félagar unnu ekki leik á síðasta ári en hungrið er til staðar að hans sögn, liðið vill upplifa þessi augnablik, sem stórmót gefa, aftur.
,,Við erum flestir á besta aldri, það er möguleiki að komast á fleiri stórmót, hann er til staðar. Metnaðurinn hjá flestum er að upplifa sömu augnablik, hungrið er enn til staðar.“
,,Þetta verður vonandi ekki eins slæmt og fólk heldur,“ sagði Gylfi um gervigrasið sem bíður í Andorra.
Viðtalið við Gylfa er í heild hér að neðan.