Breiðablik og FC Midtjylland hafa komist að samkomulagi um að Danijel Dejan Djuric gangi til liðs við dönsku meistarana.
Danijel er fæddur árið 2003 í Serbíu en fluttist 2 ára gamall með fjölskyldu sinni til Íslands. Dejan faðir þeirra kom þá til Íslands og lék með Hvöt og Tindastól við góðan orðstír. Í Kópavog flytur svo fjölskyldan sumarið 2012 og gekk Danijel í 6.flokk Breiðabliks.
Danijel vann sig svo inn í meistaraflokkshóp þegar hann var á sextánda aldursári.
Danijel hefur nú þegar leikið 19 unglingalandsleiki fyrir Íslands hönd og skorað í þeim 10 mörk.
Danijel lék sinn fyrsta opinbera leik síðastliðinn fimmtudag með U17 ára liði FC Midtjylland þar sem lið hans sigraði FC Kobenhavn 3-2.