Al-Arabi í Katar staðfesti í gær komu Arons Einars Gunnarsson til félagsins. Talsvert er síðan að Aron skrifaði undir.
Þetta var hins vegar gert opinbert í gær en Aron mun ganga til liðs við Al-Arabi í Katar í sumar.
Samningur hans við Cardiff er þá á enda en þjálfari Al-Arabi er Heimir Hallgrímsson, fyrrum landsliðsþjálfari Íslands.
Aron skrifaði undir tveggja ára samning við Al-Arabi en með mögleika á þriðja árinu. Samkvæmt heimildum 433.is, hann fór í læknisskoðun á Bretlandi fyrir talsverðu síðan.
Aron er þrítugur á þessu ári en hann hefur spilað með Coventry og Cardiff á Englandi og átt afar farsælan feril.
Stuðningsmenn Cardiff eru í sárum eftir þessi tíðindi enda hefur Aron Einar verið einn besti leikmaður liðsins í tæp átta ár. Þeir skilja þó að fyrirliðinn taki þetta skref.
,,Í sárum með að sjá Aron Einar fara, eitt er þó á hreinu að hann er goðsögn hjá félaginu, gaf alltaf 110 prósent. Algjör goðsögn,“ skrifar James.
Ben bætir við. ,,Hann hefur gefið allt í átta ára og hefur þjónað félaginu frábærlega, hann á skilið smá sól eftir að hafa búið í Brynna svona lengi.“
Aron er staddur í landsliðsverkefni þessa stundina en undankeppni EM hefst á föstudag með leik gegn Andorra, 433.is er á svæðinu og mun færa ykkur allar helstu fréttirnar.