Hörður Snævar Jónsson skrifar frá Peralada á Spáni:
Al-Arabi í Katar staðfesti í gær komu Arons Einars Gunnarsson til félagsins. Talsvert er síðan að Aron skrifaði undir.
Þetta var hins vegar gert opinbert í gær en Aron mun ganga til liðs við Al-Arabi í Katar í sumar.
Samningur hans við Cardiff er þá á enda en þjálfari Al-Arabi er Heimir Hallgrímsson, fyrrum landsliðsþjálfari Íslands.
Aron skrifaði undir tveggja ára samning við Al-Arabi en með mögleika á þriðja árinu. Samkvæmt heimildum 433.is, fór hann í læknisskoðun á Bretlandi fyrir talsverðu síðan.
Aron er þrítugur á þessu ári en hann hefur spilað með Coventry og Cardiff á Englandi og átt afar farsælan feril. Flestir skilja þessa ákvörðun Arons en mikið hefur reynt á líkama hans, frá því að Aron kom til Englands fyrir ellefu árum.
Þannig hefur Aron leikið tæplega 400 deildarleiki og stærstur hluti af þeim hefur verið í næst efstu deild, sú deild reynir líklega hvað mest á líkama knattspyrnumanna í heiminum.
Aron hefur síðustu ár fundið meira og meira fyrir álaginu og því er skrefið til Katar tekið, þannig getur hann lengt feril sinn og fengið áfram vel borgað. Þetta gætu verið góð tíðindi fyrir íslenska landsliðið.
Sumir hafa talað um að Aron sé þarna að elta peninga en því eru margir ósmammála. ,,Ekki henda seðlaspilinu á Aron fyrir þetta move. Gæinn er búinn með 9 season í Championship,“ skrifar Ágúst Þór Ágútsson, veðmálasérfræðingur og fyrrum knattspyrnumaður.
Henry Birgir Gunnarsson, foringi íslenskra íþróttafréttamanna tekur í svipaðan streng. ,,Gleðst með Aroni Einari. Gæinn hefur fórnað miklu og á skilið þægilegt ride í lokin og fulla ferðatösku af seðlum áður en hann hættir,“ sagði Henry Birgir.
Aron Einar mun ræða þessi félagaskipti sín á fimmtudag, á fréttamannafundi fyrir leikinn gegn Andorra.
Ekki henda seðlaspilinu á Aron fyrir þetta move. Gæinn er búinn með 9 season í Championship.
— Ágúst Þór Ágústsson (@grassi20) March 18, 2019
Til hamingju @ronnimall. Finndu einhvern góðan golfvöll þarna handa mér áður en ég kem í heimsókn. 🙂
— Rikki G (@RikkiGje) March 18, 2019
Gleðst með @ronnimall Gæinn hefur fórnað miklu og á skilið þægilegt ride í lokin og fulla ferðatösku af seðlum áður en hann hættir. Þá mætir hann líka ferskari í #olisdeildin ?
— Henry Birgir (@henrybirgir) March 18, 2019