Al-Arabi í Katar staðfesti í gær komu Arons Einars Gunnarsson til félagsins. Talsvert er síðan að Aron skrifaði undir.

Þetta var hins vegar gert opinbert í gær en Aron mun ganga til liðs við Al-Arabi í Katar í sumar.

Samningur hans við Cardiff er þá á enda en þjálfari Al-Arabi er Heimir Hallgrímsson, fyrrum landsliðsþjálfari Íslands.

Aron skrifaði undir tveggja ára samning við Al-Arabi en með mögleika á þriðja árinu. Samkvæmt heimildum 433.is, hann fór í læknisskoðun á Bretlandi fyrir talsverðu síðan.

Aron er þrítugur á þessu ári en hann hefur spilað með Coventry og Cardiff á Englandi og átt afar farsælan feril.

Það vakti athygli þegar Aron var kynntur til leiks að lag með Agli Einarssyni hljómaði undir, Egill er virtur plötusnúður og hann sér tækifæri í Katar eftir þetta.

,,Jæja gæti neyðst til þess að gigga í Qatar á næstunni!,“ skrifaði Egill á Twitter en hann er iðulega kallaður Gillz.

Jæja gæti neyðst til þess að gigga í Qatar á næstunni! https://t.co/VCbfATaovg

— Egill Einarsson (@EgillGillz) March 18, 2019