Lionel Messi er besti leikmaður í sögu knattspyrnunnar að mati Andres Guardado, leikmanns Real Betis.
Betis og Barcelona mættust í spænsku úrvalsdeildinni í gær en Guardado hefur margoft þurft að mæta Messi á ferlinum.
Hann segist eiga 20 myndir af sér með Argentínumanninum en sést aldrei með boltann sem er í eigu Messi.
,,Messi er að mínu mati besti leikmaður sögunnar og ég mun segja barnabörnum mínum stoltur frá því að ég hafi spilað á sama tíma og hann,“ sagði Guardado.
,,Hann er eitt það besta sem fótboltinn hefur gefið frá sér. Hvernig á ég 20 myndir af mér með honum en ég er ekki með boltann á einni af þeim?“