Peter Moore, stjórnarformaður Liverpool, segir að félagið sé nú í beinni samkeppni við tölvuleikjabransann.
Liverpool gerir eins og önnur félög sem reyna að tryggja sér nýja stuðningsmenn á hverju ári og um leið og ný kynslóð kemur upp.
Yngri kynslóðin í dag elskar að spila tölvuleiki en það er eitthvað sem gæti haft neikvæð áhrif á fótboltann að mati Moore.
,,Næsta kynslóð stuðningsmanna mun spila Fortnite og Apex Legends,“ sagði Moore við ESPN.
,,Munu þau almennt yfirgefa svefnherbergið? Það er áskorunin sem við erum að takast á við.“
,,Eina leiðin til að veita þessu samkeppni er að fara og ná í þau. Að komast inn til þeirra og finna þau, þú verður að gera það.“
,,Þú verður að tala við þau eins og þau eru vön að talað sé við sig.“
Fortnite hefur lengi verið einn allra vinsælasti tölvuleikur heims og hefur tekið yfir markaðinn. Apex Legends er nýr leikur sem veitir honum þó ansi sterka samkeppni.