Guðmundur Þórarinsson, leikmaður Norrkoping í Svíþjóð, var ekki valinn í íslenska landsliðshópinn fyrir komandi verkefni.
Guðmundur er 26 ára gamall fjölhæfur leikmaður en hann spilaði vel í 4-1 sigri á Malmö í æfingaleik í gær.
Þrátt fyrir góðar frammistöður þá virðist hann ekki ætla að fá tækifæri í landsliðshóp Erik Hamren.
Ingólfur Þórarinsson, bróðir hans, lýsir yfir óánægju með þá ákvörðun á Facebook-síðu sinni.
Ingó Veðurguð eins og hann er gjarnan kallaður kallar eftir því að Guðmundur fái alvöru tækifæri með landsliðinu.
,,Gummi með enn einn frábæran leikinn fyrir eitt besta liðið á norðurlöndunum. Því miður hefur hann aldrei fengið tækifæri í alvöru leik með landsliðinu,“ skrifar Ingó.
,,Það kemur vonandi seinna þegar það verður til budget í að fylgjast með leikmönnum sem ekki eru í áskrift.“
Guðmundur hefur aldrei verið fastamaður í landsliðinu en hann hefur spilað fimm leiki á ferlinum. Það hafa allt verið vináttuleikir.