Raheem Sterling, leikmaður Manchester City, mun spila með liðinu í dag gegn Swansea City.
Um er að ræða leik í enska bikarnum en City vonast til að komast alla leið í úrslit keppninnar.
Sterling rifjar upp sinn fyrsta leik á Wembley þar sem hann mætti á leik Manchester United og Chelsea árið 2007.
Sterling var þá í akademíu Queens Park Rangers en samdi við Liverpool árið 2010 og var hjá félaginu til ársin 2015.
Enski landsliðsmaðurinn studdi United í þeim leik en hann klæddist treyju félagsins á vellinum þá aðeins 12 ára gamall.
,,Fyrsti leikurinn minn á Wembley var viðureign Manchester United og Chelsea í úrslitum FA bikarsins árið 2007, Didier Drogba skoraði sigurmarkið,“ sagði Sterling.
,,Ég klæddist treyju United frá 1970. Þetta var fyrsti úrslitaleikurinn á nýja vellinum.“
,,Það var magnað og hjálpaði mér að elta drauminn. Þetta hvatti mig áfram, að vera þarna og fylgjast með.“