Erik Hamren landsliðsþjálfari Íslands hefur valið hóp sinn fyrir fyrsta verkefni liðsins í undankeppni EM. Liðið mætir Andorra á föstudag í næst viku og þremur dögum síðar er leikur við Heimsmeistara Frakka, í París.
Hamren og Freyr Alexandersson, aðstoðarmaður hans greindu frá því í gær hvaða fjögurra mana teymi mun sjá um að njósna um andstæðingana í undankeppni EM.
Þessir menn hafa stóru hlutverki að gegna, þeir þurfa að lesa rétt í andstæðingana svo að Ísland eigi sem mestan möguleika á sigri og þannig farmiða á EM 2020.
Magni Fannberg, sem starfar hjá AIK í Svíþjóð mun sjá um að kortleggja Tyrkland sem er í riðlinum. Jón Þór Hauksson, þjálfari kvennalandsliðsins sér um að leikgreina Andorra og Albaníu.
Davíð Snorri Jónasson sem er þjálfari U17 ára landsliðsins mun sjá um Albaníu og Frakkland.
Þessum þremur mönnum verður svo Gunnar Borgþórsson til aðstoðar og hjálpar þar sem þarf.