Hryðjuverkaárás var framin á Nýja-Sjálandi í nótt en árás var gerð á tvær moskur í borginni og að minnsta kosti 49 létu lífið í árásunum.
Árásin átti sér stað síðdegis að staðartíma og voru margir við bænahald í moskunum.
Sjónarvottur segir að árásarmaðurinn hafi gengið skipulega til verks og að skothríðin hafi varað í um 20 mínútur. Skólum og leikskólum var lokað um hríð, foreldrum meinað að sækja börn, líklega í aðgerðum til að tryggja öryggi.
Árásir sem þessar eru afar fátíðar á Nýja Sjálandi, síðast átti slík sér stað árið 1990 þar sem 13 voru skotnir til bana í litlu þorpi.
Birkir Már Sævarsson, landsliðsmaður í knattspyrnu, er hugsi yfir þessu og að mismunandi trúarbrögð í heiminum geti skapað svona voðaverk.
,,Pælið í því að árið 2019 séum við ennþá að drepa hvort annað útaf því hvaða ímyndaði skýjapabbi sé bestur,“ skrifar Birkir Már á Twitter.
Birkir er hugsi yfir þessu ástandi og hefur þetta að segja um mannfólkið. ,,Djöfull er mannkynið gölluð tegund.“
Pælið í því að árið 2019 séum við ennþá að drepa hvort annað útaf því hvaða ímyndaði skýjapabbi sé bestur. Djöfull er mannkynið gölluð tegund ?
— Birkir Már Sævarsson (@BirkirSaevars) March 15, 2019