Ansi skondið atvik átti sér stað í vikunni er Sheffield United spilaði við Brentford á þriðjudaginn.
Þessi lið spila í ensku Championship-deildinni og hafði Sheffield betur með tveimur mörkum gegn engu.
Julian Jeanvier, leikmaður Brentford, reyndi að taka innkast undir lok leiksins er Brentford vildi sækja en fékk ekki boltann í hendurnar.
Stuðningsmaður Sheffield ákvað þá að reyna að tefja leikinn og vildi þruma boltanum burt svo Jeanvier gæti ekki komið honum í leik.
Það endaði ansi illa fyrir þennan ágæta stuðningsmann en hann rann í stúkunni og datt beint á afturendann.
Stuðningsmenn fyrir aftan hann gátu ekki gert annað en að hlæja en sem betur fer þá jafnaði hann sig fljótt.
Myndir af þessu má sjá hér fyrir neðan.
