Paul Scholes hefur ákveðið að segja af sér sem knattspyrnustjóri Oldham á Englandi.
Þetta staðfesti Scholes í dag en hann skrifaði undir 18 mánaða samning fyrir um mánuði síðan.
Scholes hefur allan sinn feril verið stuðningsmaður Oldham og kemur þessi ákvörðun á óvart.
Scholes gaf það út að hann hafi ekki fengið það frelsi sem hann bjóst við og gat ekki tekið félagið áfram á eigin forsendum.
Hann stýrði Oldham í aðeins sjö leikjum en byrjunin var frábær og vann liðið 4-1 sigur á Yeovil.
Síðan þá hefur Oldham gert þrjú jafntefli og tapað þremur leikjum. Liðið leitar nú að nýjum stjóra.