Kolbeinn Sigþórsson hefur yfirgefið lið Nantes í Frakklandi en hann rifti samningi sínum í síðustu viku. Kolbeinn hefur upplifað skelfilega tíma í Frakklandi en hann samdi við félagið árið 2015.
Meiðsli settu stórt strik í reikninginn hjá Kolbeini sem hefur ekkert spilað á þessu tímabili. Hann hefur þó jafnað sig af meiðslunum en Nantes var ákveðið í að losa sig við framherjann.
Kolbeinn lék með AZ Alkmaar og Ajax í Hollandi áður en hann hélt til Frakklands og var duglegur að skora mörk.
Samvkæmt fréttum hefur AZ mögulega áhuga á því að fá Kolbein aftur í sínar raðir og félagið óskar honum til hamingju með afmælið í dag, hann fagnar 29 ára afmælinu sínu í dag.
AZ er ekki eina liðið sem er nefnt en franski miðillinn Butfootball talar um að Union Berlin í Þýskalandi hafi áhuga. Liðið spilar í næst efstu deild.
AZ rifjar upp magnað afrek Kolbeins frá 2011 þegar hann skoraði fimm mörk í einum og sama leiknum í sigri liðsins á VVV Venlo í hollensku úrvalsdeildinni. Kolbeinn setti met yfir flest mörk í einum leik.
Mörkin fimm má sjá hér að neðan.
?? Til hamingju með afmælið ?
? Kolbeinn Sigthorsson is vandaag 2⃣9⃣ geworden.
? Herinner jij je de 5⃣ goals tegen VVV nog?#Gefeliciteerd ? @KSigthorsson pic.twitter.com/SQRY0iOl9W
— AZ (@AZAlkmaar) March 14, 2019