Philipp Billing, leikmaður Huddersfield á Englandi, varð fyrir viðbjóðslegu kynþáttahatri á dögunum.
Billing er 22 ára gamall danskur landsliðsmaður en hann hefur ættir að rekja til Nígeríu og er dökkur á hörund.
Huddersfield hefur nú haft samband við lögreglu eftir skilaboð sem miðjumaðurinn fékk á netinu.
,,Farðu frá félaginu, ég vil aldrei sjá þig aftur í treyjunni, gagnslausi svarti asni,“ eru skilaboðin sem Billing fékk.
Huddersfield hefur gefið frá sér tilkynningu þar sem félagið staðfesti samstarf við lögregluna.
Billing hefur verið hjá Huddersfield frá árinu 2013 og hefur spilað 84 leiki fyrir félagið í öllum keppnum.
