Virgil van Dijk átti góðan leik fyrir lið Liverpool í kvöld sem mætti Bayern Munchen í Meistaradeild Evrópu.
Van Dijk og félagar unnu 3-1 útisigur á þýsku meisturunum og eru komnir áfram í 8-liða úrslit.
Hollendingurinn bæði skoraði og lagði upp í leiknum í kvöld og stóð fyrir sínu varnarlega.
Sölvi Geir Ottesen, fyrrum landsliðsmaður, er á því máli að Van Dijk sé besti varnarmaður heims í dag.
Sölvi tjáði sig á Twitter og segir að Van Dijk sé einstakur þar sem hann sé ekki með einn veikleika í sínum leik.
Van Dijk hefur verið frábær á Anfield síðan hann kom til félagsins frá Southampton í fyrra.
Virgil Van Dijk besti varnarmaður i heiminum right now, ekki með einn veikleika. #ynwa
— Sölvi Ottesen (@IceOttesen) 13 March 2019