Liverpool er komið í 8-liða úrslit Meistaradeildarinnar eftir leik gegn Bayern Munchen í kvöld.
Seinni leikur liðanna fór fram í kvöld í Þýskalandi en fyrri leiknum lauk með markalausu jafntefli.
Liverpool byrjaði vel í kvöld og komst yfir með marki frá Sadio Mane eftir undarlegt úthlaup Manuel Neuer í markinu.
Staðan var þó ekki 1-0 lengi en stuttu seinna varð Joel Matip fyrir því óláni að skora sjálfsmark fyrir gestina.
Staðan var jöfn í hálfleik en á 69. mínútu tók Liverpool forystuna á ný er Virgil van Dijk kom boltanum í netið.
Mane skoraði svo sitt annað mark undir lok leiksins og gulltryggði Liverpool 3-1 sigur og er Bayern því úr leik.
Barcelona var í engum vandræðum með lið Lyon á sama tíma en fyrri leiknum þar lauk einnig með markalausu jafntefli.
Lyon átti aldrei möguleika á Nou Camp í kvöld og hafði Barcelona betur sannfærandi, 5-1 og fer áfram.
Bayern Munchen 1-3 Liverpool (1-3)
0-1 Sadio Mane(26′)
1-1 Joel Matip(sjálfsmark, 39′)
1-2 Virgil van Dijk(69′)
1-3 Sadio Mane(84′)
Barcelona 5-1 Lyon (5-1)
1-0 Lionel Messi(víti, 18′)
2-0 Philippe Coutinho(31′)
2-1 Lucas Tousart(58′)
3-1 Lionel Messi(78′)
4-1 Gerard Pique(81′)
5-1 Ousmane Dembele(90′)
