Geir Þorsteinsson berst fyrir því að að gerast formaður KSÍ á nýjan leik en er í baráttu við Guðna Bergsson. Ársþing KSÍ fer fram á laugardaginn og kemur þá í ljóst hvor mun hafa betur, Geir eða Guðni.
Guðni þykir mun líklegri fyrir laugardaginn en hann fékk 88% atkvæða í könnun Stöðvar 2. Margir knattspyrnumenn hafa opinberlega stutt við bakið á Guðna sem hefur sinnt starfinu síðustu tvö ár.
Hann tók við af Geir fyrir tveimur árum en sá síðarnefndi ákvað svo að bjóða sig fram á ný. Geir var gagnrýndur af landsliðskonunum Söru Björk Gunnarsdóttur og Dagný Brynjarsdóttur í gær.
Geir þykir ekki hafa sýnt kvennalandsliðinu mikinn áhuga á þeim tíma sem hann var í stjórn, annað en Guðni.
Sigurjón M Egilsson, skrifar á vef sinn að þetta sé rangt. Sigurjón er harður KR-ingur en hann hefur lengi starfað við fjölmiðla.
,,Mig undrar margt sem sagt er og skrifað um Geir Þorsteinsson. Svo virðist sem fólk hafi gleymt stærstu og mestu ákvörðunum sem Geir tók sem formaður KSÍ,“ skrifar Sigurjón á Miðjan.is
,,Geir hóf stærstu sókn sem hafin hefur verið í íslensku íþróttalífi með ráðningu Heimis Hallgrímssonar og Lars Lagerbäck til karlalandsliðsins. Sú ákvörðun hans var umdeild. Nú eru allt fólk sammála um hversu stórt og farsælt skref Geir tók, ásamt stjórn sinni, innan KSÍ.“
,,Geir sinnti kvennalandsliðinu af heilum hug. Hann var ekki alltaf með á myndum eða gerði sig sýnilegan. Hann var samt sá sem stóð fastast að baki öllum landsliðum Íslands. Gagnrýni á hann úr þeirri átt er ekki sanngjörn.“