Aleksander Ceferin, verður forseti UEFA næstu fjögur árin en ekki neinn bauð sig fram gegn sitjandi forseta.
Ceferin hefur komið til umræðu á Íslandi undanfarið eftir að hafa dásamað Guðna Bergsson, formann KSÍ.
Geir Þorsteinsson sem er í framboði gegn Guðna var öskureiður yfir ummælum Ceferin og taldi hann hafa brotið siðareglur UEFA.
Ceferin segir að samskipti KSÍ við UEFA hafi aldrei verið betri eftir að Guðni tók við sem formaður KSÍ.
Geir er brjálaður yfir þessum ummælum Ceferin en Geir studdi ekki framboð Ceferin árið 2016.
„Ég verð þó að segja að ég ber mikla virðingu fyrir Guðna Bergssyni. Ég tel hann vera frábæran leiðtoga og KSÍ hefur aldrei átt í eins góðum samskiptum við UEFA og það gerir í dag með Guðna sem formann,“ sagði Ceferin í samtali við Vísi
Ummælin segir Geir vera týpískan fyrir mann frá Austur-Evrópu en Ceferin er frá Slóveníu. „Þetta eru freklegt afskipti af knattspyrnumálefnum á Íslandi og það er dæmigert hjá Austur-Evrópumanninum að gera þetta,“ sagði Geir reiður í Miðjunni á Fótbolta.net í dag.
BREAKING: @UEFA president Aleksander Ceferin re-elected unopposed for four-year term. #SSN pic.twitter.com/bvq4GW83ij
— Sky Sports News (@SkySportsNews) February 7, 2019