Framherjinn Árni Vilhjálmsson hefur skrifað undir samning við lið Chornomorets Odesa.
Þetta var staðfest í dag en Árni kemur til félagsins eftir dvöl hjá pólska félaginu Termaliki Niececza.
Þar hefur lítið gengið upp hjá Árna sem hefur fengið lítið að spila og gerir lánssamning við Odesa.
Liðið leikur í efstu deild í Úkraínu en deildin getur verið ansi sterk og eru nokkrir öflugir leikmenn sem spila þar.
Odesa er hins vegar í miklum vandræðum og er í næst neðsta sæti deildarinnar með aðeins 15 stig.
Liðið vonast til að Árni geti hjálpað við markaskorun en hann þekkir það vel að setja boltann í netið.