fbpx
Þriðjudagur 21.maí 2019
433Sport

Arnar fékk höfnun frá Eiði Smára í brúðkaupi áður en síminn hringdi óvænt: ,,Þeir eru svo klikkaðir þarna“

Victor Pálsson
Sunnudaginn 24. febrúar 2019 10:00

Ekki missa af Helstu tíðindum dagsins í pósthólfið þitt

Lesa nánar

Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Gestur þáttarins að þessu sinni er Arnar Grétarsson er áhugaverður karakter sem náði langt í knattspyrnu, hann var ungur að árum farinn að vekja áhuga stórliða en vildi ljúka námi.

Arnar lék í níu ár í atvinnumennsku í tveimur löndum. Arnar átti farsælan feril með landsliðinu, þá hefur hann starfað sem yfirmaður knattspyrnumála og sem þjálfari. Saga Arnars er áhugaverð.

Arnar starfaði sem yfirmaður knattspyrnumála hjá AEK Athens árið 2011 er félagið fékk Eið Smára Guðjohnsen í sínar raðir.

Eiður samdi við AEK eftir dvöl hjá Stoke en hann var enn gríðarlega stórt nafn í Evrópuboltanum á þessum tíma.

Arnar hafði áður nefnt það við Eið um að koma til Grikklands en þeir hittust í brúðkaupi og ræddu málin.

,,Eiður kallinn var búinn að vera þarna á einhverjum tíma í smá veseni, hann var búinn að flakka fram og til baka,“ sagði Arnar.

,,Við dettum bara inn. Ég hafði hitt hann í einhverju brúðkaupi á fyrsta árinu og sagði við hann hvort hann hefði ekki áhuga á að koma og þá sagði hann að við hefðum ekki efni á sér!“

,,Það var eflaust rétt sko og þá var málið afgreitt. Svo hringir pabbi hans í mig og spyr hvort að staðan gæti verið þannig að Eiður gæti verið möguleiki.“

Arnar vissi það strax að AEK hefði ekki efni á að fá Eið til félagsins en ákvað þó að nefna það við félagið.

,,Ég segi strax við pabba hans að við hefðum ekki efni á honum, við erum í mínus. Við erum að kötta niður.“

,,Ég sagðist samt ætla að nefna það, að þeir væru svo klikkaðir í Grikklandi. Ég nefndi stórt nafn og svo fer ég að tala og þá fer allt á flug: ‘Eiður Smári maður, hann hefur verið hjá Barcelona og Chelsea.’

,,Hann var risa nafn á þessum tíma, hann hefur verið 33 eða 34 ára. Hann var ennþá ekkert rosalega gamall. Það fór bara allt af stað.“

,,Svo gerðum við einhvern samning, flottur samningur en kannski örugglega fyrir Eið Smára þá var þetta þannig lagað slakur samningur. Hann hefur þó örugglega náð 100 milljónum.“

,,Þetta var lélegur samningur fyrir hann en risasamningur fyrir okkur á þessum tíma. Eiður hafði ekki spilað mikið og þurfti tíma til að koma sér í stand.“

Það var mikil spenna eftir undirskrift Eiðs en hann varð svo fyrir því óláni að fótbrotna. Eiður lék aðeins 10 deildarleiki í Grikklandi áður en hann fór til Belgíu.

,,Það verður allt vitlaust við að fá hann, ég held að það komi fram í þáttunum hans að allt verði vitlaust.“

,,Svo þegar hann er að koma sér í stand og þeir hrósuðu honum gríðarlega, þjálfararnir og þeir sem voru að vinna með honum þegar hann var að koma sér í stand og eftir að hann meiðist, hversu mikill professional hann var eftir að hann hafði fótbrotnað illa.“

,,Það var svolítið sorglegt hvernig að fór. Hann var að komast í alvöru stand þegar þetta gerist. Það var leiðinlegt.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 13 klukkutímum

Myndbandið sem allir héldu að væri ekta: Sjáðu hvað átti að hafa gerst

Myndbandið sem allir héldu að væri ekta: Sjáðu hvað átti að hafa gerst
433Sport
Fyrir 23 klukkutímum

Óli Kristjáns öskraði á sína menn: ,,Njótið þess að sjúga karamelluna“

Óli Kristjáns öskraði á sína menn: ,,Njótið þess að sjúga karamelluna“
433Sport
Í gær

Rakst á Klopp sem fór í hárígræðslu: ,,Hann lofaði að vista númerið fyrir mig“

Rakst á Klopp sem fór í hárígræðslu: ,,Hann lofaði að vista númerið fyrir mig“
433Sport
Í gær

Sex frægustu sem hafa fallið á lyfjaprófi: Kókaín og megrunarpillur sem konan átti

Sex frægustu sem hafa fallið á lyfjaprófi: Kókaín og megrunarpillur sem konan átti
433Sport
Í gær

Þetta eru tíu bestu framherjar ensku úrvalsdeildarinnar

Þetta eru tíu bestu framherjar ensku úrvalsdeildarinnar
433Sport
Í gær

Verður hún fyrsta konan sem fær svona stórt starf?

Verður hún fyrsta konan sem fær svona stórt starf?
433Sport
Í gær

Klopp gaf gott frí: Núna hefst alvaran í æfingaferð

Klopp gaf gott frí: Núna hefst alvaran í æfingaferð
433Sport
Í gær

Hiti í Kópavoginum eftir leik: ,,Þú verður að spyrja Sigga Jóns út í þetta“

Hiti í Kópavoginum eftir leik: ,,Þú verður að spyrja Sigga Jóns út í þetta“