Víkingur Reykjavík hefur fengið til sín öflugan liðsstyrk en þeir Atli Hrafn Andrason og Júlíus Magnússon hafa gert samning við félagið.
Atli Hrafn er 20 ára gamall miðjumaður en hann hefur undanfarið ár verið hjá Fulham á Englandi.
Hann samdi við félagið eftir dvöl hjá KR en hefur nú gert lánssamning við Víking og leikur með liðinu í sumar.
Júlíus er fyrrum leikmaður Víkings en hann er líkt og Atli 20 ára gamall og þykir mikið efni.
Júlíus yfirgaf lið Víkings fyrir unglingalið Heerenveen í Hollandi árið 2015 og hefur spilað með liðinu síðan þá.
Rétt eins og Atli þá spilar Júlíus á miðjunni en getur einnig leyst stöðu kantmanns.
Tilkynning Víkings:
Atli Hrafn Andrason og Júlíus Magnússon hafa samið við Víking. Atli kemur frá Fulham og Júlíus frá Heerenveen.
Knattspyrnudeild Víkings fagnar að hafa samið við þessa ungu og efnilegu leikmenn og bindur miklar vonir um að þeir muni eiga bjarta framtíð hjá félaginu.